熊築地 (已結業)

有朋友係銅鑼灣收工，果陣打俾我地大約 11點左右啦，問我地食唔食宵夜呀？食生蠔呀？我地話，咁夜仲有咩？佢就帶咗我地去告士打道，就世貿中心後邊。食間即開即食嘅生蠔。咁我地就叫咗 6隻 韓國蠔呢。佢話係法國蠔種，但韓國養殖。就 $14隻，超抵食。咁呢個係立食店、或者係外賣店嚟。6隻蠔都係為到 $84，連埋開蠔費100蚊有找。咁生蠔海水金屬味重，唔算細隻。我地再配罐啤酒就啱啱好。企係度，吹下水，吸下海風，係幾爽嘅感覺。