稻香 (已結業)

朋友話我知愛東嘅稻香8:30pm後有火鍋放題， 就算今日37度高溫都要試吓， 反正游完水都8點喇。$138 又真係抵嘅而且都多選擇， 而且佢地飲品都算多， 除咗 汽水 , 仲有 夏枯草， 菊花薑蜜， 沙冰， 甜品有紅豆沙， 杏仁茶， 雪糕等。 老公揀咗個沙嗲湯底， 睇吓我地食咗咩啦肥牛好腍， 牛味都有嘅， 當然你想食靚 d嘅可以加錢食安格斯嘅， 不過個人覺得佢呢款都 ok㗎， 其實食物都幾新鮮。 因為肚餓關係， 其實仲叫咗炸魚皮， 海蝦， 冰豆腐都無影到， 記得嘅時候都已經做完喇游完水食咁多野都真係...........呢個火鍋放題都尚算合理， 2位連埋加一都係$303.