一品燒 (已結業)

天氣愈黎愈凍，除了火鍋之外還是火鍋，因此今天決定找一些比較暖胃而且新款的食品。上個月行旺角經過一品燒已被那閃閃亮亮的招牌吸引住，一串串吊燈就像在向我招手。店內不算太大，大約容納到20人左右，不過相當闊落，唔會有擠逼的感覺。裡面裝修非常簡潔，以黑藍色等暗色系為主調，牆上掛滿相架，每張相都非常有特色。由店內的電視播著泰國MV，牆上擺著泰國佛像，我可以推斷店主是泰國fan，亦可能是泰國人？串燒最緊要的是調味料，籃上有林林總總的調味料，若果嫌味道淡可以問店員拿調味料加味。今次最推介的串燒是海鮮和羊架，海鮮相對抵食夾大件，拿扇貝為例，＄40就有4隻。而且非常鮮甜嫩滑，配料蒜蓉份量亦剛剛好不會搶走海鮮的甜味。讚！令我驚喜的有蒜蓉燒茄子，茄子其實好難燒，皮薄肉厚，少D耐性都燒到個皮燶曬，好多燒烤店的茄子皮都燶曬唔食得，而呢間既燒茄子不論茄子肉定皮燒得岩岩好，調味亦恰到好處。而羊架肉質非常鮮嫩，沾上少少芥末，雖然有少少羊腥味，但怕食羊的我不但不反感，反而覺得好香。燒豬頸肉同堆雞肉雞腎，其實味道都唔錯，燒得好香好嫩，但係對比以上幾樣就比較失去特色，食完唔會想翻兜。呢間小店開19:00 - 02:00 ，