麥當勞

營業中

休息中

凌晨時份，同朋友吹下水飲下酒，吹下飲下無啦啦餓底，夜媽媽都冇咩好食 麥當勞似乎係最方便又惹口味既宵夜選擇，所以就貢左入去見到有新既黑糯米批，好似幾吸引🤨試試佢！仲有個忌廉蘑菇湯 呢兩樣野都好岩入秋 天氣微冷咁樣食，暖下肚 嗌左個麥樂雞餐 轉左粟米 忌廉湯都好飲 又真係幾多蘑菇粒 ，跟餐都係加8蚊，幾扺。 麥樂雞正常野啦 係鐘意食先叫姐不過係杯粟米出事，其實間間m記都係咁 啲粟米出哂水 咁樣好食啲咩？ 到黑糯米批，食落原來係椰汁黑糯米，都夠熱既 不過再熱啲 椰汁醬流質d就會好食好多！好日都唔食一次m記 咁岩去就試到新野 仲唔錯 感恩