一口沙嗲專門店

營業中

休息中

打風前後去超市街市買嘢食都好難，見到西環呢一間店可以買啲串燒返屋企同屋企人一齊享受下燒串燒嘅樂趣一於就買咗四包返去，兩包牛、一包雞、一包豬肉！每一包嘅份量都好多，四個人家庭一定夠食！呢幾包嘢食一定要解凍先！不過我地淨係返到屋企嘅時候已經都算解凍晒，所以就唔使等可以即刻開始我哋嘅串燒晚上開著個爐，預熱左5分鐘，就可以開始燒嘢食喇！一開始就試吓燒四串豬肉試試佢！串燒已經係醃好咗沙嗲嘅口味！有成大盒嘅花生醬，夠晒今晚燒野食用！辣椒花生醬亦都超多包！花生醬同埋辣椒花生醬可以放喺爐下邊，一邊燒串燒，一邊熱咗啲醬！十分方便！個爐好夠火，我哋試完第一次之後，就開始放多啲串燒上去，都可以放到六至八串！第一面燒8分鐘，再轉邊燒多5分鐘就食得喇！睇吓燒得色澤均勻，金黄色！我地雞牛豬都超好食！特別要推薦大家試吓嗰個牛，肉質嫩滑！