彩雲軒 (已結業)

由於家有長者既闗係，晚飯好多時揀食中餐。彩雲軒已經黎過超過十次，水準一向都好平穏。今晚餐家常便飯都冇令屋企人失望。晚上6:45到即有位。入座後即刻點菜，唔駛10分鐘開始上菜，效率唔錯。鹵水豆腐 - 夠甜夠香滑，每次黎必叫。老人家尤喜歡呢款小食。古法山渣咕嚕肉 - 外觀顏色吸引，食落肉身夠嫩，個汁甜度啱啱好，味道唔錯。冇因為特價而將價就貨，份量又充足。抵讚！金銀蛋莧菜 - 平平無奇，D菜唔太嫩，有D鞋口。熟蒜好多，唔係我杯茶。清蒸東星仔 - 火侯控制得好，夠熟得黎唔會蒸到D肉鞋曬，保持到魚本身既鮮味，加埋D汁同蒽黎餸飯一流！伙記唔該黎多碗白飯！飯後果 - 三款生果都好新鮮甜，但如果可以得閒換吓唔同生果就仲好，次次呢三款有D悶呢餐幾埋茶飯錢一共$591，因有優惠劵食滿$400可減$100，$500埋到單。彩雲軒雖然唔係咩星級食府，但不論環境，食物質素同服務質素都對得住個價錢。因同屋企近既關係，一直都係家常便飯首選。