海逸軒 (已結業)

今晚同親戚一起食晚飯, 佢地住響黃埔, 又有老人家, 於是便就近去海逸軒晚飯.近排天氣轉涼, 親戚有點咳嗽, 點了窩杏汁白肺湯比佢補下個肺. 佢飲咗兩碗, 杏仁味好濃, 但唔知療效如何.個個都有點病樣, 清清地點了荷葉蒸雞和瑤柱馬碲蒸肉餅. 雞都滑但味道略咸, 一定要叫碗白飯來食.肉餅也是略咸.三色蛋蒸得不錯, 好滑味道剛剛好. 上湯豆苗正常一般.是晚菜式全是普通家庭菜（尤其係三色蛋）, 除了白肺湯比較突出, 其它也是一般但價錢卻不是一般收費.