嘉年華海鮮酒家

營業中

休息中

同屋企人去食晚飯，想食d家常便飯，嗌餸食飯個d，最後就近近地去左嘉年華食。呢度係一間屋邨酒樓，晚市唔單止可以嗌餸食飯，仲可以打邊爐添。咁睇完一輪餐牌，就叫左黑醋咕嚕肉、啫啫豚肉芥蘭煲、栗子炆雞、乳鴿。本來想叫片皮鴨，可惜遲左，搞到無得食，只好下次早d黎。咁個黑醋咕嚕肉，入面有好多薯仔。但汁唔多足夠，但勝在無骨。啫啫豚肉芥蘭煲就較一般，芥蘭較硬身。栗子炆雞唔係好得，雞又少，栗子亦都唔多。最多係d基松茸，但味道麻麻。乳鴿都幾好食。白飯較硬。