滿小廚

營業中

休息中

今日試左滿小廚既晚餐，今晚比較夜食晚飯，餐廳人唔多，我地又㨂左個卡位打對坐，晚餐有經濟街坊小菜套餐，可選擇兩款、三款、四款小菜，配白飯同埋例湯。今晚口感想食清清地，點左豉汁盲曹，豆腐雙腩煲，椒絲腐乳炒通菜。我地點好餐後，職員送上兩碗例湯，冬瓜豬骨湯，這個例湯唔錯，鮮甜可口；豉汁盲曹肉質嫩口；豆腐雙腩煲入面既豆卜索晒d汁，熱辣辣。至於椒絲腐乳炒通菜既腐乳味道唔係好出，味道稍為淡咗d。 整體黎講，調味偏淡左少少，但有家既感覺。