翠湖海鮮飯店 (木星街)

營業中

休息中

天后木星街翠湖飯店六月初應朋友約來吃晚飯，一入門見到座無虛席，好彩朋友預先訂座。飯店裝修簡潔，打開菜牌有好多選擇，豐儉由人。豬膶雞煲上枱，豬膶配合紅蔥頭和青蔥，香氣撲面而來，雞肉嫩滑。小炒王真係冇叫錯，有大大隻的蝦乾、香脆的腰果、鹹魚仔和魷魚鬚，整體配搭出色。蟶子王大大隻，鮮味十足👍👍👍最後仲有砵仔焗魚腸，呢個懷舊菜，依家一般酒樓飯店都唔做，成本低但功夫太多。 一啖入口，魚腸和魚膶的甘香充滿口腔，加上童年回憶，非筆墨能形容。飯店送糖水，有南瓜西米露和綠豆沙供選擇。下次會再嚟，試吓其他小菜。