影片
更多
2022-09-12
332 瀏覽
今日公眾假期，唔洗返工，專登過嚟黃大仙搵朋友食晏。喺友人嘅引領下，嚟咗鳳凰新村環鳳街呢間「家常麵」。聽朋友講，餐廳主打上海菜，店裡嘅麵食同水餃都做得好用心，尤其是招牌手作餃子，全部都係每日新鮮即製，所以就算係閒日，都有唔少街坊過嚟幫襯。既然友人係常客，點餐嘅任務就一於交由他發辦。先嚟一客涼拌小雲耳 ($28)，入口爽脆Q彈，酸味亦恰到好處，非常醒胃。跟住係一客餐廳嘅招牌菜蒸餃子 ($30) 一籠有 8 隻，認真抵食。每粒餃子嘅外形都脹卜卜，接痕清晰美觀，令人賞心悅目，而且最正係用料十足，內有韭菜、豬肉、蔥和蘿蔔，啖啖滋味。另外每張檯都擺放咗一樽餐廳秘製嘅招牌辣醬，以純人手製作，入口辛而不辣，用嚟拌餃子吃，味道一流！見到餐牌有燉湯，又即時加咗盅雪梨燉豬肺 ($30)，睇下幾足料，燉得火喉十足，入口清甜滋潤，加上豬肺洗得好乾淨， 口感軟腍有彈性，不得不讚。麵食方面，點了菜肉雲吞擔擔麵 ($48) 同 胡麻醬冷麵 ($45)。擔擔麵嘅肉碎分量恰到好處，麵條爽滑有彈性，入口散發住濃濃嘅花生香，好惹味。雲吞皮薄、內餡豬肉嫩滑，而且小店絕對冇放味精，絕對值得一試。另外客胡麻醬冷麵，口感亦唔錯，麵身
今日公眾假期，唔洗返工，專登過嚟黃大仙搵朋友食晏。喺友人嘅引領下，嚟咗鳳凰新村環鳳街呢間「家常麵」。
聽朋友講，餐廳主打上海菜，店裡嘅麵食同水餃都做得好用心，尤其是招牌手作餃子，全部都係每日新鮮即製，所以就算係閒日，都有唔少街坊過嚟幫襯。
既然友人係常客，點餐嘅任務就一於交由他發辦。先嚟一客涼拌小雲耳 ($28)，入口爽脆Q彈，酸味亦恰到好處，非常醒胃。
跟住係一客餐廳嘅招牌菜蒸餃子 ($30) 一籠有 8 隻，認真抵食。每粒餃子嘅外形都脹卜卜，接痕清晰美觀，令人賞心悅目，而且最正係用料十足，內有韭菜、豬肉、蔥和蘿蔔，啖啖滋味。
另外每張檯都擺放咗一樽餐廳秘製嘅招牌辣醬，以純人手製作，入口辛而不辣，用嚟拌餃子吃，味道一流！
見到餐牌有燉湯，又即時加咗盅雪梨燉豬肺 ($30)，睇下幾足料，燉得火喉十足，入口清甜滋潤，加上豬肺洗得好乾淨， 口感軟腍有彈性，不得不讚。
麵食方面，點了菜肉雲吞擔擔麵 ($48) 同 胡麻醬冷麵 ($45)。擔擔麵嘅肉碎分量恰到好處，麵條爽滑有彈性，入口散發住濃濃嘅花生香，好惹味。雲吞皮薄、內餡豬肉嫩滑，而且小店絕對冇放味精，絕對值得一試。
另外客胡麻醬冷麵，口感亦唔錯，麵身彈牙，麻醬味道好香，分量亦啱啱好，唔會過多而感覺太膩，配上青瓜絲，食落好清爽。
飲品點咗豆漿 ($8) 同 陳皮山楂洛神花茶 ($15)，豆漿豆香濃郁，入口順喉。洛神花茶加入了陳皮同山楂，味道酸酸甜甜，消暑又解渴。
張貼
