影片
更多
2016-06-28
4283 瀏覽
由網上得知街坊小店有做糖水後15年12月第一次試，已經覺得好有家的感覺，初時無人認識，連街坊既我都唔知佢有賣糖水，淨係知呢度有間涼茶店。佢喺舊馬會隔離，連住隔離舖位係中醫診所。舖頭好細，日頭只係得舖面賣新鮮涼茶，到夜晚中醫關舖後就攞埋隔離位放到3張檯，加埋舖外地面2張檯。第一次黎既時候見到有心人採集資料似乎想幫老闆娘喺網上宣傳，聽到老闆娘講佢從台灣既朋友學識整芋圓地瓜圓，所以喺自己間涼茶試下賣，啲手繪"手工芋圓 仙草"都係佢個女畫既，平時應該放左學喺舖頭幫手。第一次食果時可能未有人知無乜人幫襯，配料應該一早準備左好耐，試左個仙草百配既配料好多都水準質差，例如薏仁、西米痴埋一齊已變硬，芋圓地瓜圓又係變硬左唔煙un。不過隔左一兩個月再試，多左好多客人黎食，成日都坐滿曬，煮得密左，果啲問題無曬，芋圓地瓜圓仲改善左好煙un。而且1號仙草百配由$20變到$25，有仙草薏仁紅豆西米珍珠芋圓地瓜圓丸子咁多料，改到$25都不無道理。不過最近見到有食評講堂食等成粒鐘個糖水仲未黎。其實每次黎都係滿座，所以我會選擇外賣。因為佢本身係涼茶舖，夜晚高峰時期見到都係得3個人打理，要應付滿堂時有20個客都唔易。由於
第一次食果時可能未有人知無乜人幫襯，配料應該一早準備左好耐，試左個仙草百配既配料好多都水準質差，例如薏仁、西米痴埋一齊已變硬，芋圓地瓜圓又係變硬左唔煙un。不過隔左一兩個月再試，多左好多客人黎食，成日都坐滿曬，煮得密左，果啲問題無曬，芋圓地瓜圓仲改善左好煙un。而且1號仙草百配由$20變到$25，有仙草薏仁紅豆西米珍珠芋圓地瓜圓丸子咁多料，改到$25都不無道理。
不過最近見到有食評講堂食等成粒鐘個糖水仲未黎。其實每次黎都係滿座，所以我會選擇外賣。因為佢本身係涼茶舖，夜晚高峰時期見到都係得3個人打理，要應付滿堂時有20個客都唔易。由於佢只係街坊小店，而且環境唔好期望太高，我係街坊所以知果度附近都係南亞人士搬運二手電器，夜晚比較雜，而店外既檯無冷氣要捱下流汗。我每次都係食仙草百配因為自己超鐘意食仙草同芋圓。佢既芋圓地瓜圓唔算好濃芋圓味地瓜味，不過味道好天然，而且比一般既細粒好多，夠曬煙un，自家製既仙草都係好滑好Q，佢既糖水係無街外既咁甜，好健康！外賣既話會有一小粒UCC奶球，落左好食好多！
其實見到佢生意愈黎愈旺都幾好，好野值得人欣賞，不過每晚都咁多人肯定整唔切，搞到假期都唔敢去買外賣，知道一定要等好耐。平日人少外賣都要等15分鐘，希望呢間小店做得住之餘keep住水準，得耐少少都唔緊要
仙草百配
$25
96 瀏覽
0 讚好
0 留言
仙草百配
$25
83 瀏覽
0 讚好
0 留言
83 瀏覽
0 讚好
0 留言
張貼
