韓宮 (已結業)

餐廳由韓國人主理，老闆好熱情會主動黎打招呼，主要都係做街坊生意，但平日都坐滿人，感覺好正宗地道。前菜有泡菜、菠菜同醃蘿蔔青瓜，全部都可以refill 醬油蟹 $198蟹肉鮮甜，肉質紥實，蟹膏非常多，醬油唔會太咸蓋過蟹肉嘅鮮味，加埋蛋黃，撈飯一流，唔怪之得又叫白飯小偷！韓國燒牛+豬肉 Set C $499有牛肋骨、五花腩、肥牛同豬頸肉，全部都調左味，牛肋骨長長一條，肉質幼嫩，五花腩油脂豐富，要烤耐少少，入口焦香香脆，肥牛同樣油脂豐富，配埋泡菜一齊食會無咁膩，豬頸肉爽口彈牙。旁邊仲有配菜，泡菜、芽菜、雪耳、茄子、腸仔同芝士。燒芝士幾特別，烤完外脆內軟，仲有拉絲，好正！牛肋骨湯飯 ＄128牛肋骨大大件、肉質軟淋，入面仲有蘿蔔同粉絲，湯清甜帶有少少胡椒味，非常暖胃！