影片
更多
2017-12-26
363 瀏覽
年尾最重要嘅家庭活動，就係做冬，正所謂冬大過年，自己同屋企人都比較傳統，始終覺得要食返中菜先叫做冬，媽媽晚晚煮飯咁辛苦，做冬比佢休息一日，出街食啦！不過屋企人就比較少出黎銅鑼灣，今次過黎試下探下路先～海上鮮二人套餐$228：豉汁倉魚估唔到條魚好大條！食魚我怕有腥味，所以揀左要豉汁蒸。豆豉汁非常香，最驚喜係蔥用上大蔥，蔥味特別香，全部蔥都比我清晒！而條魚蒸嘅時間岩岩好，食落好滑又唔腥唐生菜呢碟菜自動少油之餘，連蠔油都係分開上，岩晒注重健康嘅人家鄉土魷煎肉餅煎肉餅亦係另一心機之作，肉餅加入土魷，打得有咬口，無半點多餘嘅肥肉，一塊一啖，完全拍得住我媽媽自家制嘅煎肉餅呀！自家靚湯是日靚湯係紅青蘿蔔湯，無味精好有家的感覺～自家糖水係薑湯芝麻湯圓，冬天食好岩，食完暖笠笠！其實，我地低估左二人餐嘅份量，再散叫左兩樣似乎係呢度嘅招牌菜陳年花雕鴨舌$46鴨舌爽脆，入口陣陣花雕味滲出，杞子都好清甜，好味道！金牌口水雞半隻$90舖滿炸蒜蓉同辣椒粒，岩晒我用黎撈飯！隻雞原來都幾大隻，食落嫩滑啖啖肉。超級滿足！食完我好有信心帶佢地出黎做冬啦！
不過屋企人就比較少出黎銅鑼灣，今次過黎試下探下路先～
海上鮮二人套餐$228：
豉汁倉魚
估唔到條魚好大條！食魚我怕有腥味，所以揀左要豉汁蒸。豆豉汁非常香，最驚喜係蔥用上大蔥，蔥味特別香，全部蔥都比我清晒！而條魚蒸嘅時間岩岩好，食落好滑又唔腥
唐生菜
呢碟菜自動少油之餘，連蠔油都係分開上，岩晒注重健康嘅人
家鄉土魷煎肉餅
煎肉餅亦係另一心機之作，肉餅加入土魷，打得有咬口，無半點多餘嘅肥肉，一塊一啖，完全拍得住我媽媽自家制嘅煎肉餅呀！
自家靚湯
是日靚湯係紅青蘿蔔湯，無味精好有家的感覺～
自家糖水
係薑湯芝麻湯圓，冬天食好岩，食完暖笠笠！
其實，我地低估左二人餐嘅份量，再散叫左兩樣似乎係呢度嘅招牌菜
陳年花雕鴨舌$46
鴨舌爽脆，入口陣陣花雕味滲出，杞子都好清甜，好味道！
金牌口水雞半隻$90
舖滿炸蒜蓉同辣椒粒，岩晒我用黎撈飯！隻雞原來都幾大隻，食落嫩滑啖啖肉。超級滿足！
食完我好有信心帶佢地出黎做冬啦！
張貼
