影片
更多
2009-04-08
11 瀏覽
我家的御用飯堂~ (我好似已經連一個星期係果到開餐啦~)唔好睇依家酒樓面積細細, 但D食物真係好好食~ 可能無乜人估到個大廚竟然係個廿幾歲的年輕人一名~ ( , 佢仲細過我~)年紀輕輕煮得一手好菜~ 仲成日有新穎菜式! (如果無新菜式的話, 我諗我會食到厭~)佢地點心同甜品都好好食, 點心的大師父係以前陶源同利苑的點心總廚~如果你地鐘意食蒸魚的話, 咁就一定要叫~ 佢地係真正蒸魚, 唔係好似好多所謂海鮮酒家咁, 先用熱水＆拖魚一次先去蒸, 絕對保持條魚的鮮味~ 佢地的湯水都好正~ 材料十足, 好夠味道! 甜品推介火龍果石榴露 (好香石榴味, 唔甜)杏仁茶 (好香, 絕對令你有打包多碗返屋企的沖動 )朱古力心太軟 (唔係成日有得食, 撞正甜品師父係到, 絕對係必食之選!)桂花糕 (好香桂花味)茶市好食介紹:脆皮叉燒餐包 (外皮脆, SIZE剛剛好)煙鴨胸沙律 (好新鮮的煙鴨胸, MATCH埋D沙菈菜, 真係食唔停)鮑汁炆雞腳 燒腩仔 (新鮮好食!!! 係大廚即燒的~ 但燒完唔好立即食, 過左幾分鐘等層皮涼左少少, 簡直正呀!)肥牛拉沙, 擔擔面 (我家老公心水推介~) 黃金豆腐 (唔好
唔好睇依家酒樓面積細細, 但D食物真係好好食~
可能無乜人估到個大廚竟然係個廿幾歲的年輕人一名~ ( , 佢仲細過我~)
年紀輕輕煮得一手好菜~ 仲成日有新穎菜式! (如果無新菜式的話, 我諗我會食到厭~)
佢地點心同甜品都好好食, 點心的大師父係以前陶源同利苑的點心總廚~
如果你地鐘意食蒸魚的話, 咁就一定要叫~ 佢地係真正蒸魚, 唔係好似好多所謂海鮮酒家咁, 先用熱水＆拖魚一次先去蒸, 絕對保持條魚的鮮味~
佢地的湯水都好正~ 材料十足, 好夠味道!
甜品推介
火龍果石榴露 (好香石榴味, 唔甜)
杏仁茶 (好香, 絕對令你有打包多碗返屋企的沖動 [我好多UNCLE都打包2,3碗])
朱古力心太軟 (唔係成日有得食, 撞正甜品師父係到, 絕對係必食之選!)
桂花糕 (好香桂花味)
茶市好食介紹:
脆皮叉燒餐包 (外皮脆, SIZE剛剛好)
煙鴨胸沙律 (好新鮮的煙鴨胸, MATCH埋D沙菈菜, 真係食唔停)
鮑汁炆雞腳
燒腩仔 (新鮮好食!!! 係大廚即燒的~ 但燒完唔好立即食, 過左幾分鐘等層皮涼左少少, 簡直正呀!)
肥牛拉沙, 擔擔面 (我家老公心水推介~)
黃金豆腐 (唔好睇佢係炸, 但一D都唔油膩, 咬到去豆腐時仲好有口感)
煎堆 (唔同面粥店食到果D煎堆仔咁油味重, 但要星期六, 日先有得食)
晚市好食推介:
藍莓玉液脆遼參 (好新式的食法, 上層係遼參, 下層係新鮮蝦做的蝦膠~ 雖然係炸的, 但一D都唔油膩, 加上藍莓汁~ 簡直令人對傳統遼參食法改觀~)
醬烤骨 (大廚仔改良的醬烤骨,. 煮得比利苑的好食多)
燒汁菌菇炒牛柳粒 (佢地出名牛肉係用靚牛扒肉~ 咬落口, 簡直好似食緊高級踞扒咁既肉汁, 熟透度剛剛好~ 正)
凍鮑魚 (日式刺身做法, 好食! 佢地D海鮮夠新鮮!)
仲有好多好食的, 一時都諗唔起~
大家可以去試試, 平有平的食法, 貴有貴的食法~ 請客或家庭食飯都無問題~
張貼