黑蒜 (太古廣場) (已結業)

_____好味指數：🌟🌟🌟🌟抵食指數：🤑🤑🤑🤑最近夜晚唔可以堂食，咁就搵吓有冇好食嘅外賣買返去孝順吓屋企人🏠喺太古廣場三期嘅外賣店主打健康有營養嘅便當，而且每樣餸都可以透過櫥窗睇，咁就方便揀啱心水嘅嘢食啦～✅黑蒜清湯牛腩條首先揀咗餐廳嘅主打💮打開飯盒發現份量都幾多，牛肋條炆得好入味🐮帶淡淡蒜香，肉質軟嫩帶肉汁，旁邊仲配埋兩粒巨型咖喱魚蛋🐟一食就知靚嘅魚蛋，非常彈牙，咖喱香得嚟帶點辣勁🌶雜穀飯比較健康，然而加埋飯素同牛肋條汁更加惹味👍🏻✅鹹蛋鮑魚粒肉餅肉餅係我的最愛🤤平時喺茶餐廳見到有蒸肉餅飯都一定會點🤣呢度嘅肉餅好大塊厚實，肉質鬆化，而且入面仲加入咗鮑魚粒，非常高級✨旁邊配上有機蔬菜，蔬菜輕輕調味再煮熟，好軟身同清甜🥬便當仲配埋住家湯，飲落唔覺有味精，就好似食緊住家飯一樣滿足