日本洋食屋 翔 (已結業)

尋日去荃灣中心朋友屋企gathering，佢帶我地嚮荃灣中心一期商場試嘅左間剛開業既日本人主理既日本洋食屋，小店家庭式經營，由一對親切既夫婦一手一腳打理，感覺温馨，唔係我朋友住嚮度都唔知有尼間日本人情味濃厚既穩世小店。我地個日去食午餐，有多款午餐選擇，有扒餐、pizza、意粉，價錢由$68至$118不等，午包括餐湯及飲品，原本餐湯係日式南瓜湯，但剛剛售罄，只有麵豉雜菜湯，麵豉湯味道濃郁，由豐富既白蘿蔔、紅蘿蔔同豚肉淆製而成，十分好味。自家製漢堡扒拼日本香草腸定食$88尼個定食除左餐湯仲包括一個迷你沙津，沙律菜新鮮配合柚子沙律汁味道一流，係可惜份量迷你；自家製漢堡扒非常厚實，配上秘製肉醬，真係食多兩夜碗白飯都仲得；日本香草腸味道似肉丸，口感彈牙，響第二度比較少能夠食到。另外當日見到有好多食客點“原條燒花魚配柚子醬定食”，原條燒花魚大大條，見佢哋個個都鑽好食抵食，坐隔離都聞到香味，下次再去一定要試試。雖然店舖不太，但食物質素一流，好有日本小店feel，位置可能有d唔太方便，但去開荃灣絕對值得去一試。