利景酒家

營業中

休息中

家裡老人家喜歡來的餐廳，尤其早茶同下午茶，抵食，樣樣20文，大中小點。下午茶是兩點開始，對老人家來說吃個午茶當午餐，還有桃膠也是$20，真的不錯。服務態度也不錯，上菜快，收嘢執台都快手。吃完又唔會即刻趕客走，都算係咁。我地人唔多，所以叫左個求其一餐的4人套餐，5個餸加糖水，然後我地加多左個花膠蔬菜粉絲煲，夠食有凸。八寶海皇炖冬瓜環：吃到的有冬菇粒、帶子、蝦米、蓮子同冬瓜。冬瓜好多不過湯都算鮮甜，不過不失。招牌脆皮蒜香雞半隻：皮真是少少脆，肉睇落干身但吃落軟唔鞋，仲有少少油，一個好的驚喜！秘制冰梅骨：ok, 一個幾甜的菜，唔啱老人家吃，肉有少少遲住啲骨。XO彩鳳蝦仁：普通的一個西蘭花炒瘦肉蝦仁。不過蝦仁都幾大隻。清蒸富貴海班仔：魚無腥味又無蒸老，ok!花膠蔬菜粉絲煲：菜心同白菜都霖，啱老人家吃。花膠就細細塊，唔係貴的桶膠。滋潤糖水：其實就是酒樓送的陳皮紅豆沙，非常唔特別。咁樣吃落900幾連加一。算係一餐好普通的「求其一餐」。