茂記中西餐廳

營業中

休息中

摸完蜆已經天黑，慢慢由渡假屋行去餐廳！貝澳餐廳唔多，揀一店內環境簡單！小廚格局！食品以小菜為主！坐在店內6人枱！店員落單好快！食物要耐心等待！蒜香孜然骨（$90）炸得香脆！賣相好靚，熱到辣口！不過孜然味道唔夠，唔夠香口惹味！鹽水豆腐（$60）豆腐炸得香口，豆味濃！點嘅醋唔夠味！唔係就更好！芝士焗什菜：熱辣辣，芝士好滑好濃！蔬菜爽口！金銀蛋莧菜（$68）幾大碟，上湯好濃，皮蛋彈牙，鹹蛋淋身鹹香！莧菜嫩口入味！好味蓮藕煎肉餅（$78）一塊好似蛋榚，夾雜好多蓮藕碎！肉餅唔會好實，多汁好味！蒜茸包：即叫即上，好明顯唔係即做嘅，所以唔熱，又硬！唔夠鬆脆！差！店員有禮！上菜收碟爽手！唔使自己煮食得好舒服嘅一餐！