影片
更多
2017-06-17
1379 瀏覽
咁多種類嘅野食，我最鍾意就係燒肉，一路燒啲肉香油香一路「標」出黎，真係正到暈。一個月總有幾次係燒肉，今日朋友又約我燒肉喇，果然係好朋友。已經黎過伊賀幾次，星期一至四晚$258一位，每人加$30就可以任飲同任食乳酪。 乳酪含有活乳酸菌，可以促進腸臟蠕動、排走體內的毒素、消除積聚喺肚腩嘅脂肪……開始時先食一杯乳酪打打底，感覺冇咁易肥，同埋冇咁有罪惡感。飲品方面選擇唔算多，但有好味而且有果粒嘅菠蘿汁同芒果汁，亦有啲果茶、烏龍茶。如果想長期作戰就飲果茶或者烏龍茶，冇咁易飽~ 其實我自己唔加飲品都得，每枱都備有一壺熱茶，仲消滯添! 但朋友要飲凍野，咁就要兩個一齊加。兩個人就會送一板海膽，仲會俾一隻刺身船。因為之前食過伊賀，知佢隻刺身船好巨型，所以今次一開波就叫停個刺身船先，保留食力! 只係要左個海膽先，刺身就自己慢慢按量點選。以為送嘅海膽質量會麻麻，但食落完來都幾鮮甜，亦都冇嗰種低質海膽嘅異味，絕對唔會因免費而HEA~點左八爪魚刺身、三文魚刺身、燒玉子卷。刺身質素唔算高，但食燒肉放題仲可以任食刺身，仲想要求啲乜?!有個日本燒肉大師講過，想知道燒烤網係咪夠熱，只要喺爐上唧少少檸檬汁，如果檸檬汁瞬間
兩個人就會送一板海膽，仲會俾一隻刺身船。因為之前食過伊賀，知佢隻刺身船好巨型，所以今次一開波就叫停個刺身船先，保留食力! 只係要左個海膽先，刺身就自己慢慢按量點選。
以為送嘅海膽質量會麻麻，但食落完來都幾鮮甜，亦都冇嗰種低質海膽嘅異味，絕對唔會因免費而HEA~
點左八爪魚刺身、三文魚刺身、燒玉子卷。刺身質素唔算高，但食燒肉放題仲可以任食刺身，仲想要求啲乜?!
有個日本燒肉大師講過，想知道燒烤網係咪夠熱，只要喺爐上唧少少檸檬汁，如果檸檬汁瞬間蒸發就代表夠熱，可以開始燒肉。而先搽啲檸檬汁喺燒烤網上面亦可以防止黐網。呢度係有單點檸檬同青檸，梗係要order啦。我試左呢個方法，又真係好似幾有效喎
至於點樣燒先至係鮮嫩好味又唔會燒焦，墊枱紙就有清晰提示: 牛肉放喺爐中間燒，可以短時間內燒熟牛肉鎖緊肉汁，而雞肉豬肉就要熟透先食得，所以就喺核心嘅外圍慢慢燒，唔會表面燒燶晒。加埋上面嘅檸檬秘技，食燒肉就無往而不利~
牛舌、安格斯牛小排、帶骨牛肋肉、雞泡魚干 - 牛舌都幾大塊同厚，有咬口。安格斯小牛排同帶骨牛肋肉都油花分佈均勻。我鐘意食安格斯牛小排多啲，肉汁豐富滿口油香。
「中場休息時間」就叫左兩款沙律減吓油膩感，胡麻醬沙律 - 蔬菜幾新鮮，仲有好多胡麻醬，酸酸甜甜好開胃。
蟹籽沙律 - 又係好多沙律醬，正! 蟹籽同蟹柳份量都好足。
虎蝦大隻而且新鮮夠爽，對鐘意食蝦嘅我嚟講係必點之選; 帆立貝上面有一層牛油，令帆立貝更鮮甜。
活蜆 - 每客3隻，放喺一個裝左蒜蓉清湯嘅金屬兜仔，成兜直接放上個爐燒就得。好處就係容易處理，亦都唔會燒到乾晒，所以食落仲係鮮甜水潤。蜆嘅size係細左啲，但隻隻開口，新鮮冇沙，任食架嘛，無限encore囉~
QQ蟶子 - 燒肉放題有得食蟶子真係驚喜，同活蜆一樣鮮甜，但比活蜆大隻，所以食落更滿足，又係勁encore之選~咁細隻嘅蟶子BB，真係第一次見咋!
香草龍脷 - 出面食燒魚肉好花功夫，因為燒魚肉容易黐網，所以要經常去反，呢度就成兜燒，唔怕燒焦。香草味濃，不錯。
埋單時店員話一人會送一盒Mövenpick雪糕，揀左朱古力同雲呢嗱味~ 以前要讚好面書先有架，而家直接就送。Mövenpick係雪糕中嘅名牌子，幾好食唔駛我介紹啦~
呢度上菜都幾快，落order係用平板電腦，點完confirm冇耐，啲嘢食就送上，而且印像中冇漏過單，讚!!
最後有少少建議，就係應該改善一下抽風系統，感覺個抽風管唔係咁抽到油煙，食完個身成陣燒烤味。另外個Background Music聲浪亦大左啲，變左傾計都要大聲啲。
張貼
