御來光茶社

營業中

休息中

土瓜灣啟岸地下食街系充滿日式風格嘅「啟岸巷子」，巷子兩旁掛著日式燈籠，十分有氣氛。今日發現巷尾有一間日式甜品店，名叫「御來光·茶社」嘅小店。佢用咗富士山Logo同蠟筆小新做裝飾，好適合打卡。紫薯鮮奶顏色好靚，深淺紫色混合感覺好夢幻，飲落口感好順滑，可以食到紫薯蓉，甜度同冰度可以調配。抹茶三色仙草芋圓仙草好嫩口，份量都好滿足，抹茶味突出，抹茶色配搭三色芋圓再加上紅豆，色彩繽紛。三重朱古力蛋糕 用咗朱古力蛋糕做餅底，再加上榛子同慕斯，口感層次豐富，朱古力味好突出。桂花烏龍茶有淡雅桂花香氣，烏龍茶口感清爽解渴。