板神鉄板燒日本料理 (已結業)

♙ 富士見·鐵板燒 · 一人前 $1380 𖦹 前菜三點包括開胃嘅紫薯番薯金時、滑溜嘅水雲、同埋爽彈嘅甜酒黑梅貝，𖦹 季節沙律蘆薈豆芽野菜沙律配金橘沙律醬味道酸酸甜甜，非常清新。𖦹 刺身三點帶子、油甘魚同赤身都極為鮮甜！𖦹 火焰北寄貝以北寄貝殻盛載住燒熟嘅北寄貝，以海藻煮成嘅高湯更顯北寄貝嘅鮮甜爽口，火焰效果打卡一流。𖦹 龍蝦配salty 7 龍蝦啖啖肉，配上用蟹膏製成嘅醬汁，同埋用蝶豆花、櫻花蝦打成既紫色泡泡，層次豐富。最特別係呢道菜會附上一杯cocktail - 鹹檸檬gin tonic，同主菜相當合襯。𖦹 季節煮物包括日本蕪菁、甘荀、珍珠洋蔥，味道清甜。𖦹 和牛湯以茉莉花茶及木魚湯熬製而成，和牛味道濃郁。𖦹 美國牛肉厚燒 / 日本豚肉薄燒 五成熟嘅牛肉外香得內嫩，牛香滿溢；日本豚肉薄燒肉質軟嫩，包住香蔥同吃更加香口。𖦹 漬物•湯•炒飯炒飯粒粒分明，鑊氣十足；湯品 以龍蝦頭熬製，入口鮮甜。𖦹 甜品甜品係焦糖多士配自家製藍莓雪糕，亦有香甜嘅士多啤梨作伴碟，多士香脆充滿焦糖香味。