新東記火鍋店 (已搬遷) 新店位置

香港人一年四季都打邊爐已經唔係新聞，新東記係我同班同事最愛之一，因為食物質素有保證。人未黎整先整番個龍蝦同象拔蚌刺身食下先，龍蝦好鮮，豉油都唔洗點食佢既甜味。象拔蚌就夠晒爽口，加少少WASABI吊味，作為前菜真係冇得輸。另外必點之選係醉雞，酒香夠濃，由皮到骨都係花彫香，而且雞肉滑嫩，就算淥耐少少都冇問題。一入新東記就會見到個牛肉檔，就知道佢既牛肉係招牌野啦。叫左碟牛頸脊，見到雪花紋真係未食都知道好，輕輕淥一下，放入口已經感受到D油花係脷上面溶，滿口牛香，不得了。