燒皇燒烤專門店

營業中

休息中

天氣凍左好多，年尾冇咁忙，今晚決定約朋友出嚟食消夜、飲吓嘢、傾吓計，朋友介紹佢屋企附近有間燒烤專門店，最啱圍埋一齊坐低傾計，即刻去天氣寒冷，呢間打正旗號做燒烤嘅餐廳人好多，不過好彩我哋四個人等左一陣就有位我哋首先試吓佢個雞煲（其實最主要係聞到隔離枱食緊覺得好香，所以決定叫半隻黎試吓）雖然只係叫半隻雞，但份量都唔少，雞肉煮得咁嫰滑，因為店員叫我地熄火之後焗8分鐘，所以時間啱啱好，味道唔算太重，而且我哋叫小辣，辣味可能唔夠，下次要食中辣另外燒物方面，我哋叫咗燒生蠔，蠔好大隻，配合埋蒜蓉燒好香好惹味，但又唔會搶咗生蠔嘅鮮味另外我哋再叫咗一個燒王立倉，條魚好大條，而且燒到外表好香脆但裏面仲保持肉汁另外要讚下呢度嘅燒鱔，佢燒嘅火力好均勻，所以咁難控制火候佢都可以燒到好香脆，而且唔會燒到乾晒，必食另外其他燒雞翼，羊架都係燒得好出色，樣樣野都保存到入邊嘅肉汁，雖然我哋每樣都叫唔辣，但其實佢每一台都有一個辣粉可以自己控制有幾辣，細心食咗咁多肉最後叫咗個燒茄子同埋燒韭菜，茄子仲可以保持入面係好淋身，唔會乾，而燒韭菜係本人嘅至愛，份量亦都好多，性價比高整體來講呢間餐廳性價比高，由佢落單到出菜嘅速度都算快，