蝦蝦燒

營業中

休息中

郊野公園燒烤就食得多，自己生生猛猛捉嘅大頭蝦，再擺落個爐到燒呢就真係第一次啦！一入到去個場已經比流水蝦嘅魚缸所吸引，而且已經見到有啲人手忙腳亂，手舞足蹈地捉蝦，場面特別吸引，亦都相信喺呢度嘅獨特之處。新鮮粥上嚟嘅蝦特別生猛，所以一定要用冰水焗暈佢再燒，蝦頭好多膏，蝦肉結實鮮甜，可以燒嘅時候落少少玫瑰鹽更加入味！其他亦都包括咗丸類、肉類、蔬菜類可以一次過放喺個爐，出邊更加有個自助凍櫃，想食啲咩就夾啲咩，不過記住唔好做大嘥鬼啊！特別推薦佢嘅蒜蓉包同埋燒菠蘿，美味非常。當然除咗大頭蝦之外，亦都有唔同種類嘅海鮮，經過爐火嘅燒炙，相當甜鮮！食飽飽仲可以食埋多款嘅雪糕，滿足咗飯後甜品嘅意欲。