Oui French Private Kitchen (已結業)

有工事要同亞sir傾，所以就訂咗呢間，平日午餐最好都訂位，因坐位唔多。餐湯有磨菇湯，食到好多菇菇，好濃菇味，好綿滑。主菜叫咗羊架，法式羊架啖啖肉有3件咁多，唔知係咪慢煮過肉質好淋好多肉汁，有少少🐑膻味我鍾意，伴碟都唔馬虎，有幾件烤過嘅意青瓜👍甜品我叫咗焦糖唔知咩撻😂😂😂，焦糖味香濃有啲似xx杏仁糖😂值得一提係侍應服務非常好，午餐都逐樣介紹，有選擇困難症嘅我覺得非常貼心，環境十分舒服，唔會同隔離太近，私隱度高，非常祈待下一次光顧。