湖越

營業中

休息中

新年第一日第一餐一定要食好嘢。 我哋12:00準時到達，環境非常優美，沿路天氣好舒服。餐廳對正一個好靚嘅湖水。呢間越南嘢出名啲河粉大大份又好味😋因為曾經食過佢嘅牛肉河粉，好好食。今日試吓佢個順化黑䐁豬腩肉濃蝦湯粉$118 超大份，兩個人都超級足夠食😊，仲要我老公好大食。呢家店太大方了，仲要湯麵入邊好多材料，豆卜豬豚仲有大大隻prawns! 虾湯好濃郁，一定要飲晒啲湯。另外帶咗香茅雞翼$68 ，香脆好味🤤即叫即做好fresh 仲有叫咗呢度嘅虾多士$108 5塊大大件，蝦餅好新鮮，多士香脆！對住個湖景，食埋一杯青檸梳打同埋牛油果奶昔，非常之享受。