梅丘壽司の美登利総本店 (美麗華廣場1期) (已結業)

經過此店幾次，都冇入去幫襯，因為價錢略嫌較貴，間中食下無妨。今日放假心情輕鬆所以入去消費，本身係會員，有九折優惠，一睇餐牌就叫了兩個午市壽司套餐，當然有好多都想試包括鰻魚飯，但今次叫咗壽司套餐先，跟餐的麵豉湯味道濃沃，茶碗蒸味道唔錯，蛋好滑。各款壽司無論賣相及味道都冇得挑剔，魚生好新鮮，尤其吞拿魚，拖羅入口即溶，肥而不膩。三文魚同樣味道佳與一般人氣壽司店不同。店員服務態度正面，本人食完啲碗碟都會很快就被收走，亦都好有禮貌。