影片
更多
2021-10-28
251 瀏覽
上星期卜左位，1點正一到就入得，樓面得一至兩個人，睇得出佢地好忙但仍然keep到良好服務態度值得一讚。一行三人叫左個2人lunch set加多個1人lunch set, 太飽所以無再加甜品😂首先落完order好快就上既湯，我地叫左2個西施豆腐素翅(3.5/5) 同一個松露青湯(4/5)，一人餐再送多2粒杏鮑菇。豆腐素翅不過不失，略嫌清得濟，無乜味，老人家會鐘意。松露青湯好重松露味，好正，美中不足既係塊麵包太硬。跟住就上前菜，野菌意大利青黃瓜xo醬(4.5/5)。比想像中有驚喜，青黃瓜都好食，野菌又好夠味，再加上xo 醬。好清新好開胃。👍🏻👍🏻👍🏻然後就開始主菜，首先係好多人推薦既玫瑰叉燒(4.5/5)，估唔到素食都做到咁出色，雖然好明顯唔似叉燒😂，但佢表皮做到好脆，好香口，份量都好夠，擺盤都好靚。😋然後到酥炸素羊腩配意大利醋(4/5)份量好多，雖然一d都唔似羊不過都唔似素😂似肉，個皮做到好酥脆，食落似啖啖肉。再之後就係冬陰海鮮意大利飯 (3.5/5)完全無冬陰既味道😂dd 辣都無😂不是佢既意大利飯整得幾出色，當佢普通海鮮意大利飯黎食係幾好食既。佢有仿蟹柳同帶子，食落似丸類，好彈牙。最後
首先落完order好快就上既湯，我地叫左2個西施豆腐素翅(3.5/5) 同一個松露青湯(4/5)，一人餐再送多2粒杏鮑菇。豆腐素翅不過不失，略嫌清得濟，無乜味，老人家會鐘意。松露青湯好重松露味，好正，美中不足既係塊麵包太硬。
跟住就上前菜，野菌意大利青黃瓜xo醬(4.5/5)。比想像中有驚喜，青黃瓜都好食，野菌又好夠味，再加上xo 醬。好清新好開胃。👍🏻👍🏻👍🏻
然後就開始主菜，首先係好多人推薦既玫瑰叉燒(4.5/5)，估唔到素食都做到咁出色，雖然好明顯唔似叉燒😂，但佢表皮做到好脆，好香口，份量都好夠，擺盤都好靚。😋
然後到酥炸素羊腩配意大利醋(4/5)份量好多，雖然一d都唔似羊不過都唔似素😂似肉，個皮做到好酥脆，食落似啖啖肉。
再之後就係冬陰海鮮意大利飯 (3.5/5)完全無冬陰既味道😂dd 辣都無😂不是佢既意大利飯整得幾出色，當佢普通海鮮意大利飯黎食係幾好食既。佢有仿蟹柳同帶子，食落似丸類，好彈牙。
最後係金腐絲新竹米(4.5/5)佢係偏濕既炒米，新竹米係比普通米粉偏幼，但都幾有口感，小彈牙，偏爽。估唔到佢一個新竹米可以整得咁好食。😋
總結: 埋單加埋一200左右一位，唔算好抵食但佢對得住佢既價錢。環境同服務都幾好，食物質素都唔錯，睇得出廚師既用心，素食黎講好有驚喜，帶長輩黎食佢地應該會好鐘意。值得推介。😋👍🏻
張貼
