影片
更多
2018-01-31
179 瀏覽
位於雅蘭樓上的意粉狂熱, 食完可以落地庫的大型運動用品店血拼, 今晚同朋友食呢間新開主打手製意粉的餐廳, 試吓佢地既自家手製麵團的PIZZA及意粉, 店內裝修有啲美國餐廳 feel。睇下有乜食先？兩個三八你一言我一語......太多選擇特濃南瓜粟米忌廉湯 ($28)南瓜打得幼滑, 粟米也頗濃香, 湯頭還有像芝麻般細小的粟米粒粒咬口, 香甜南瓜拼清甜粟米, 南瓜湯無得輸, 好飲法式芝士洋蔥湯 ($38)朋友的, 成碗都湯係洋蔥, 試了一口.....好洋蔥豪華5式拼盤 ($168)一個價錢可以試五個小食, 啱曬貪新鮮又為食嘅我。栢爾馬火腿 ~ 偏瘦型, 鹹香惹味, 欠咗少少西班牙火腿獨有嘅油香, 咁既價錢己相當不錯了。焗珍寶大啡菇釀帶子 ~ 最愛大啡菇肉厚多汁, 菇味又濃郁, 加埋爽甜帶子及爆脆蟹子, 口感更豐富。海蝦牛油果法包多士 ~ 多士脆口, 牛油果忌廉醬略嫌過多, 可以少番啲。栢爾馬火腿薯茸球 ~ 三款都系薯蓉加火腿粒炸波波,不同嘅只係上面放上不同的配料;香草、三文魚子及黑松露。薯蓉波波外層炸得金黃脆口, 內心卻軟滑鹹香。意式炸魷魚圈配他他醬 ~ 炸物個人麻麻地, 少食, 佢哋嘅
睇下有乜食先？兩個三八你一言我一語......太多選擇
特濃南瓜粟米忌廉湯 ($28)
南瓜打得幼滑, 粟米也頗濃香, 湯頭還有像芝麻般細小的粟米粒粒咬口, 香甜南瓜拼清甜粟米, 南瓜湯無得輸, 好飲
法式芝士洋蔥湯 ($38)
朋友的, 成碗都湯係洋蔥, 試了一口.....好洋蔥
豪華5式拼盤 ($168)
一個價錢可以試五個小食, 啱曬貪新鮮又為食嘅我。
栢爾馬火腿 ~ 偏瘦型, 鹹香惹味, 欠咗少少西班牙火腿獨有嘅油香, 咁既價錢己相當不錯了。
焗珍寶大啡菇釀帶子 ~ 最愛大啡菇肉厚多汁, 菇味又濃郁, 加埋爽甜帶子及爆脆蟹子, 口感更豐富。
海蝦牛油果法包多士 ~ 多士脆口, 牛油果忌廉醬略嫌過多, 可以少番啲。
栢爾馬火腿薯茸球 ~ 三款都系薯蓉加火腿粒炸波波,不同嘅只係上面放上不同的配料;香草、三文魚子及黑松露。
薯蓉波波外層炸得金黃脆口, 內心卻軟滑鹹香。
意式炸魷魚圈配他他醬 ~ 炸物個人麻麻地, 少食, 佢哋嘅炸醬唔算厚, 魷魚爽脆, 拈啲洋蔥他他醬食, 好香口, 又無咁油膩。
照燒雞蛋黃披薩 ($78/2人前)
望落好簡約健康的pizza, 配料較簡單, 照燒雞雞肉、蛋黃醬、蔥粒及芝士, 最後灑上紫菜絲, 熱辣辣香噴噴上檯, 這個創新的和風照燒加蛋黃醬味pizza都幾特別, 又係香香甜甜, 冇淨係用芝士焗咁膩, 其實芝士都落左唔少架, 有拉絲效果, 只係芝士絲幼身啲咁解, 我鍾意佢個 pizza 底, 側邊位比較厚身, 外脆內煙韌。
壽喜燒風牛肉雜菌手製扁意粉 ($78)
和風日式燒醬意粉, 配料豐富, 有溫泉蛋、車厘茄、真姬菇、京蔥、紅椒、雞髀菇及瘦肥牛等, 撈埋所有材料食, 口感同味道非常都豐富, 主角手製麵口感煙韌, 有點像吃手製刀削麵的感覺, 和風燒汁香香甜甜, 加埋京蔥香、番茄甜酸、雞蛋滑、菇菌爽口、牛肉油香....好似人生一樣, 吃一口......百感交集, 好難用一兩句說話來形容
抹茶芭菲 ($58)
層層疊甜品, 最上層是忌廉及極度濃香的抹茶, 下面是扭扭微彈抹茶奶凍併牛奶奶凍, 最下層是脆脆粟米片, 冰凍微甜, 食完飽到上心, 我地大高估自己, 這個份量可以3個女士食.....埋單去shopping 散下步先。
Choco Fun English Tea ($38)
朱古力就飲得多, 朱古力茶還是第一次, 朱古力茶用茶壺上, 茶壺能保存熱度, 飲幾多倒幾多出嚟, 唔似得杯上咁....飲飲下就凍冰冰, 壺上仲有一個好處, 就係可以加熱水無限添飲, 仲可以同朋友開心share, 講返個茶, 估唔到朱古力味都幾出, 味道同平時飲嘅真朱古力味道相似, 只係冇左糖既甜味及朱古力味冇真朱古力飲品咁濃, 會輕啲。
張貼
