聰嫂私房甜品

營業中

休息中

聰嫂私房甜品發跡地係將軍澳，仲記得當年每次去中學同學屋企時，臨走一定要去食聰嫂龍眼椰果冰。今次去旺角見到佢開左新店，就算排隊都要重拾回憶。龍眼椰果冰就必叫，另外再叫多一碗楊枝甘露。龍眼椰果冰味道十年如一，每一啖冰都有好濃郁的龍眼清新的味道。唔好以為佢好似一碗仔咁，食食下其實份量都唔少。另外仲加左爆珠同埋椰果，所以有唔同的口感同甜味，提升整碗甜品的視覺效果同層次，最後食埋兩粒龍眼相當滿足。至於楊枝甘露，無論係西柚、西米同芒果份量都足，每一啖都有以上每款材料。西柚粒揀得好，唔會乾或者有苦澀味，而芒果粒夠甜又新鮮。整體味道唔太甜，維持到平衡的味道，質素幾好。