Tapas Brew (Greenfield Plaza) (已搬遷) 新店位置

大埔區內有唔少餐廳，而有主題嘅西餐廳為數唔多，呢間西班牙餐廳，裝修充滿著西班牙特色，店內好colorful，牆上掛咗幾幅抽象畫，充滿藝術色彩。餐廳招牌菜式有西班牙燒乳豬同西班牙海鮮飯。另外仲有多款唔同嘅菜式及小食可以揀，非常之多選擇。墨西哥粟米片配牛油果醬、番茄芽莎用粟米脆片沾上醬汁食用，粟米脆片酥脆可口，食到停唔到口。特色烤乳豬薄薄嘅乳豬外皮燒得香脆，用刀切落去，內層肉質仍然鮮嫩多汁，肉味濃郁，非常美味，配上酸甜嘅蘋果醬，更顯滋味！西班牙黑毛豬風乾火腿野菌闊條麵闊條麵好creamy，麵身吸汁之餘又有口感，配搭黑毛豬風乾火腿，火腿甘香鹹鮮令味道更昇華！Guinness黑啤泡沫豐富、口味醇厚、麥味香濃。餐廳燈光柔和，感覺舒服，非常適合同朋友傾計同進餐。