龍門金閣海鮮酒家

營業中

休息中

位於尖沙咀嘅龍門金閣海鮮酒家有好多懷舊有出名嘅菜式都可以喺呢度食到。雖然我哋都係年輕一代，但其實好想食下以往六，七十年代，香港起飛果時出晒名魚翅撈飯嘅菜式。懷舊菜叫化雞真係唔係度度可以食到，而且做法複雜。 出面用咗錫紙同埋一層類似泥土既嘢一齊烤焗，食之前要卜碎個外殼，卜完之後芬香撲鼻。叫化子雞焗出嚟嘅雞肉特別嫩滑，由於 雞內填滿咗十幾種鮮材料，例如金針雲耳等等， 焗完之後雞肉入晒配料味道，不同凡響。 講起70年代梗係唔少得 魚翅喇。桂花炒魚翅，魚翅條條分明，唔乾身，口感有絰。而且桂花加入蛋碎炒，食落好香口，每一啖都有魚翅一嘅口感，我終於食到魚翅撈飯嘅感覺啦。 呢度又係另一度懷舊菜，蓮子八寶鴨。鴨內又係填滿咗 好多種材料， 例如冬菇，蓮子，糯米飯等等。食落鴨肉鮮嫩，口感層次好豐富。窩貼大明蝦， 蝦肉非常之彈牙，而鍋貼口感有啲似多士咁鬆脆。配合彈牙嘅蝦同埋醬汁一齊食 ，口感好特別好豐富。 呢個生炒臘味糯米飯係我咁多年以嚟食過最好食嘅糯米飯之一。首先糯米飯一啲都唔油膩，臘味味道芬香撲鼻，而糯米飯鹹度適中，最緊要嘅係佢糯米飯有一種黏口感，卻粒粒分明，食落唔會漿實晒咁，做工真係好出色。