影片
更多
2021-10-18
3930 瀏覽
闊別日本剛好兩年，回來後呢兩年間有好多始料不及的變化，唯一不變係對日本的掛念。掛念的程度，已非靠食個拉麵或者壽司就可以彌補。早前睇片，見一位日本人推介尖沙咀的「吉田舍料理」，主打正統日式家庭料理同小菜，係好多在港日本人的秘店（經佢推介之後已經唔秘了）。喺呢度，不但聽到客人的日語對話，店主同部分廚師侍應都係日本人，感覺更似身處日本。係咪好耐冇見日文menu？當然如果見你係香港人，佢會畀返中文menu，但識日文的話不妨問侍應拎份日文，重溫下日文之餘，日文有是日精選餐牌，中文冇的。餐牌有好多選擇，研究都用左好多時間，還好本身已有幾個心水選項，再唔係，第一次嚟可以叫店員推薦，大部分都好有禮的。忌廉蟹肉薯餅（$120）係好代表日本的小食，熱騰騰的上枱，炸衣好薄好脆，裡面係超滑忌廉，蟹肉就不太感覺到，不過都好滿足。第二樣想食係和牛腸炒野菜（$120），係日本人話好食的一道，辣度可以選擇。唔鍾意肥膏的或者會嫌惡，但喜歡的會欣賞佢的油脂香，比豬腸更香，雖然邪惡，但偶一為之好值得試試，不過外皮比較韌。椰菜更係精華所在，沾滿惹味醬汁，係一流的佐酒佳餚。見隔離枱點了蔥拖羅卷（$80），又試着來一碟。呢個相對
早前睇片，見一位日本人推介尖沙咀的「吉田舍料理」，主打正統日式家庭料理同小菜，係好多在港日本人的秘店（經佢推介之後已經唔秘了）。喺呢度，不但聽到客人的日語對話，店主同部分廚師侍應都係日本人，感覺更似身處日本。
係咪好耐冇見日文menu？當然如果見你係香港人，佢會畀返中文menu，但識日文的話不妨問侍應拎份日文，重溫下日文之餘，日文有是日精選餐牌，中文冇的。
餐牌有好多選擇，研究都用左好多時間，還好本身已有幾個心水選項，再唔係，第一次嚟可以叫店員推薦，大部分都好有禮的。
忌廉蟹肉薯餅（$120）係好代表日本的小食，熱騰騰的上枱，炸衣好薄好脆，裡面係超滑忌廉，蟹肉就不太感覺到，不過都好滿足。
第二樣想食係和牛腸炒野菜（$120），係日本人話好食的一道，辣度可以選擇。唔鍾意肥膏的或者會嫌惡，但喜歡的會欣賞佢的油脂香，比豬腸更香，雖然邪惡，但偶一為之好值得試試，不過外皮比較韌。椰菜更係精華所在，沾滿惹味醬汁，係一流的佐酒佳餚。
見隔離枱點了蔥拖羅卷（$80），又試着來一碟。呢個相對有點失色，拖羅鮮甜軟滑，但蔥好少，而且飯同紫菜都好腍，口感一般。
最重點係，做功課時見午餐餐牌有拿破崙意粉，非常想食。日式的拿破崙意粉係好好食的，我曾經喺登別車站附近一間不知名小cafe食過，一直念念不忘。即管問侍應係咪午市先有，佢話都可以整，不過因為係日本師傅做，所以要等耐啲。問完價錢後（$100）就即刻落單。意粉用鐵板上，以煎蛋皮墊底。調味做得唔錯，酸甜得宜，火腿、椒絲等配料都落得多，蛋皮好香，只係意粉比較腍，整體同日本的仍然有少少距離，不過總算解一解思念。
想去的話切記預約，walk-in一定冇位。另外lunch有比較相宜的定食，每份一百上下。
張貼
