民華餐廳 (已結業)

工作關係，成日要出街，好多時都係自己一個人午餐。已經一段時間冇幫襯呢間，今日行下行下就走左入去。 再度好平常咁點咗個常餐。 身為牛肉癡嘅我一定要點牛肉，個天灰朦朦，我就口淡淡，所以叫左蕃茄湯底，亦即係鮮茄牛肉通粉，再配我極愛嘅午餐肉、炒蛋同厚多士。佢哋嘅蕃茄湯底是鮮甜的，係鮮蕃茄嘅味道，牛肉軟軟仲沾滿蕃茄湯嘅甜味，補充番我所需要嘅維他命💃🏻一個常餐，炒蛋同多士都係主角，而呢間民華同旺角果間一樣，始終都可以保持水準。厚身多士外皮脆口熱辣辣，中間軟綿綿，塗滿一層厚厚嘅牛油，再放埋蛋香味十足嘅炒蛋上去一齊食，嗰一啖層次豐富嘅口感，為我的尋常下午增添左無限動力，戰鬥力足以捱到星期五💪🏻💪🏻💪🏻😂😂😂