陳家菜 @Freshlane (樂基商業中心) (已結業)

最近夜晚無得堂食，屋企又唔係成日有得煮自然就要外賣！所以每晚諗食咩都係一大難題啊，碌碌下手機發現左返工地點附近西營盤有個地方叫freshlane主要做外賣自取，仲要集齊多間食店選擇，點完菜等一陣上去囉就得，上到去好似去左囉順豐件，一個個locker咁，夠曬特別。今次我揀既呢一間陳家菜主打中式菜！成個點餐過程全手機下單方便之餘又可以食到正宗住家菜添。髮菜蠔豉豬手煲湊巧撞正新年期間，就點左一個發財好市煲！其實係髮菜蠔豉豬手煲！呢個豬手煲齋睇豬手份量感就知抵食，炆得好入味啊，豬手完全嗦曬醬汁，又炆得夠軟身，仲要好多髮菜添！菠蘿咕嚕肉另外一個小炒點了日常最愛-咕嚕肉，醬汁剛好唔會過酸，咕嚕肉好軟身，沾滿醬汁，酸酸甜甜，菠蘿亦好甜，十分推薦仲送左兩個白飯，兩個惹味小菜都有醬汁，撈飯一流。今次試到既住家菜都好好味，下次外賣又多一個選擇了！