蘇記(茶檔)

營業中

休息中

早排上港式奶茶體驗班個師傅提過呢間地道茶檔，今日終於有機會試吓～非常傳統嘅排檔經營，係巷仔一行延伸嘅木摺檯木摺櫈別具一番風味。排檔嘅分工非常顯淺易明，一位師傅負責煮麵同熟食，另一位師傅負責沖茶飲品，兩個人負責樓面，一個清潔洗碗，十分有效率！一場嚟到梗係要試佢杯熱奶茶啦！師傅用好傳統鐵餅爐暖住個茶底，收到order就純熟咁先加黑白奶，後再撞茶咁完美完成一杯港式奶茶。奶茶口感幼滑，茶底唔係好濃，唔會澀，略嫌差少少回甘。再叫左個招牌豬扒米，煎香嘅豬扒切開有成5塊，食晒都幾飽肚！夜晚大雨過後條巷難免有水漬，衛生就一般啦，但咁先係原汁原味。