一漁外賣壽司 (已結業)

新一年又冇咗堂食咁耐，懶得煮飯所以都真係成日買外賣🥲T Town Market 好多嘢食，今日喺附近做完黎買晚餐。凍冰冰唔係好想食凍野，佢哋嘅壽司都有好多款，個樣好吸引但係下次先再試啦。今晚想食熱辣辣嘅咖喱所以叫咗咖喱牛肉飯。咖喱汁同牛肉嘅份量都好多，煮得好好食暖笠笠，仲有麵豉湯送。忌廉蟹肉薯餅，啱啱炸起好好食！😋😋😋唔想食魚生又想食三文魚，一於嗌灸燒三文魚飯。三文魚大大塊，呢度啲嘢真係又抵又好食。