壽司郎 (無限極廣場)

營業中

休息中

已過午飯時段，經過壽司郎，見冇乜人排隊， 碰碰運氣攞張飛，幸運地等了 5分鐘就已安排入座。 壽司郎平日下午兩點至五點供應下午茶組合A 及B兩款， A款可三選一， 包括炙燒壽司，赤身壽司或炸蝦天婦羅拼盤， B款可二選一烏冬或拉麵。 我選了炙燒壽司和烏冬。炙燒 壽司有四件， 包括有兩件炙燒芝士鮮蝦和兩件炙燒羅勒三文魚。 三文魚和鮮蝦鮮嫩， 芝士和羅勒添加壽司嘅層次，豐富可口。 烏冬份量都不少，加了不少蔥花和天婦羅碎，食落亦惹味。不過，如果加多片腐皮就更好啦。 一頓$40嘅下午茶， 抵食，CP值亦高。