峰壽司 (已結業)

昨晚同細妹二人去峰壽司食飯，好耐冇去食啦！驚晏左要等位，所以未夠六點就入去。叫左14碟!當然有三文魚，帆立貝，腐皮，海螺，吞拿魚腩軍艦同火炙盛呢D主打壽司！仲有以下推介:1) 牛肋骨壽司($15):師傅用火槍牛肋骨，燒得唔老咁咁好，好香牛味又唔黏牙，正!2) 麵豉湯($12):次次黎都要叫，好甜，仲有好多白蘿蔔同滑lut lut 既豆腐，好大碗! 3) 吉列蠔($25): 都幾大隻，有隻食指咁大!炸得十分脆同香口，內裡juicy同有蠔既甘香味，連我唔食炸野都忍唔住食左兩隻!!好犀利，食左咁多!埋單只不過係$236!