影片
更多
2023-12-21
144 瀏覽
細聲講：其實我係未食過OMAKASE，臨近生日朋友約食飯，話不如去試吓銅鑼灣新開呢間壽喜燒～門口行入去都幾和風，短短嘅走廊都裝修成日本庭園咁。入到去有分Bar枱同卡位，而我同朋友亦安排坐喺Bar枱位置，揀咗$850嘅Sukiyaki Omakase嘅Lunch Set～前菜：木盒入面有幾款咸甜並重嘅前菜，先食一個細細哋嘅海膽茶碗蒸，但因為我唔食海鮮，所以將海膽俾咗朋友，但隱約食個蛋都有海膽嗰種鮮味，喜歡食海膽嘅朋友應該會好中意！有趣地，下一款大廚建議食甜嘢，一舊炸過嘅合桃，用嚟解膩，感覺幾得意好似食緊全盒咁。之後就係一舊有汁嘅牛肉，同埋我冇食到嘅炸八爪魚，最後就食埋甜甜的羊羹。茶碗蒸：Regular Size 嘅蒸蛋，非常滑溜，但我再次將上面嘅鮮蝦俾咗朋友～希望師傅唔好誤會我係因為難食所以俾人。刺身3款：刺身分別有帶子、海膽、吞拿魚（好似係），因為我唔想浪費，又唔想朋友要幫我食曬，所以我終於開口同咗師傅講唔使切俾我。但朋友就話刺身相對失色，唔算特別驚艷。壽喜燒 和牛A4 - 肉眼 x 1片、西冷 x 1片、肩肉 x 3片到咗重頭戲，餐廳俾咗兩碗生蛋我哋，一款係蘭王，一款係無菌蛋（好似
前菜：木盒入面有幾款咸甜並重嘅前菜，先食一個細細哋嘅海膽茶碗蒸，但因為我唔食海鮮，所以將海膽俾咗朋友，但隱約食個蛋都有海膽嗰種鮮味，喜歡食海膽嘅朋友應該會好中意！有趣地，下一款大廚建議食甜嘢，一舊炸過嘅合桃，用嚟解膩，感覺幾得意好似食緊全盒咁。之後就係一舊有汁嘅牛肉，同埋我冇食到嘅炸八爪魚，最後就食埋甜甜的羊羹。
茶碗蒸：Regular Size 嘅蒸蛋，非常滑溜，但我再次將上面嘅鮮蝦俾咗朋友～希望師傅唔好誤會我係因為難食所以俾人。
刺身3款：刺身分別有帶子、海膽、吞拿魚（好似係），因為我唔想浪費，又唔想朋友要幫我食曬，所以我終於開口同咗師傅講唔使切俾我。但朋友就話刺身相對失色，唔算特別驚艷。
壽喜燒 和牛A4 - 肉眼 x 1片、西冷 x 1片、肩肉 x 3片
到咗重頭戲，餐廳俾咗兩碗生蛋我哋，一款係蘭王，一款係無菌蛋（好似雲咁嘅泡沫蛋白圍住個蛋黃），然後叫我哋打蛋後，陣間嘅肉可以點蛋汁食。實質次序同啲牛肉嘅產地我都記得唔太清楚，但係大廚係會show埋隻牛嘅標籤同產地俾食客睇，我自己最中意係第一款嘅京都肉眼，餐廳仲會喺食每款肉前再為你添米飯，非常貼心。
日本野菜5款、米飯、漬物、味噌湯：
印象中有款冬菇（？）豆腐非常入味，雖然感覺好似中菜。啲飯粒粒分明幾有米味hahahhahaa 但作為半職素食者，竟然最中意個炒椰菜，好正，完全feel到啲菜係好新鮮！唔好講笑，其實真係食到好飽，之前未食過OMAKASE以為逐小碟咁食會唔飽，食完曬啲飯呀菜呀竟然都仲有肉上緊，然後再俾個湯，再俾個雞蛋蓋飯⋯
我都忍唔住問職員，到底食完未⋯
甜品：
當日有抹茶雪糕同柚子雪葩可以揀，我同朋友都揀咗雪葩，可能我本身唔太中意食甜嘢所以覺得還好～同埋可能因為用新鮮柚子整？所以係有種澀味，但見到廚房係有部日式刨冰機，職員話夜晚嘅set先有刨冰甜品提供～
張貼