御名園 (已結業)

中秋節同屋企人嚟做節，貪佢近近哋，食物又唔錯。氣氛舒適唔會太嘈，啱曬傾計。每枱都會有前菜，雖然要收費，但係真係幾好食，係海苔果仁，脆卜卜又好香紫菜味。 經理推介燉湯，原來每一期都做緊唔同嘅優惠，今日就有鮮玉竹沙參燉水雞，48蚊一位，湯頭好清甜潤喉，養生健康。做節梗係要有啲名貴菜式，呢度就好多選擇 ，點左四頭鮑魚都係98蚊一位，真係抵食。 鮑魚都幾大隻，要用刀叉食，鮮甜入味， 加埋個花膠鵝掌煲，夠曬節日氣氛。上湯金蝦鮮竹浸菜苗，白菜仔吸收曬上湯嘅鮮味，我覺得個上湯有少少魚香，同平時有啲唔同，特別鮮甜。