台北車站 (已結業)

有個好耐無見嘅朋友，約左入將軍澳區食飯。 佢帶咗我去一間台灣餐廳食。 餐廳用台灣車廂設計, 有個好吸眼球用霓虹燈管整成嘅台灣火車Logo招牌，以呼應「台北車站」的店名。落單時，店員亦服務非常周到。最近大家比較注重健康，點咗個古早味嘅黃酒醉雞湯 ，仲可揀了一樣小菜食，包兩碗白飯同兩款飲品。 真係超豐富！古早味嘅黃酒醉雞湯飲落個雞湯唔會覺得好肥膩，非常濃烈嘅黃酒香味，仲有好濃烈嘅雞湯味道。睇湯嘅色水已知落足料，無點溝水。除咗主角雞在入面之外，仲有龍眼、雲耳、紅棗、杞子、沙參、黃芪及薑粒。碗湯真係超大碗，兩個女仔食有點吃不消。招牌小炒王 韭菜、果仁、蝦米、紅椒炒成嘅傳統香港小炒王，好友鑊氣。之前聽媽媽講過話小炒王既由來，其實係使用餐廳剩低嘅廚餘來製作。亦都係一道非常懷舊嘅菜式估唔到今日喺台灣餐廳又會遇到。冷泡茉香綠茶 好香濃嘅綠茶香味，仲有陣陣嘅茉莉花香。用來去除剛食完小炒王嘅油膩感覺。草莓珍珠奶茶珍珠唔太差，奶茶味幾香，再加埋超粉紅色的草莓汁，好吸引。最緊要係夠大杯。