台北車站 (已結業)

地址－台北車站將軍澳貿業路8號新都城中心一期地下G25號舖💋乾煸法國長豆，見到餐牌有呢碟餸即刻叫黎試下，睇下法國長豆有咩分別，一上碟就見到好大碟下，份量好足，食落長豆都幾清脆可口，雖然有乾煸過，但都保持到翠綠的顏色，唔錯，呢碟佢附上大量肉碎一齊去炒，加埋少量辣椒，食落辣辣地，好正。💋煙燻章茶鴨(半隻)，呢隻鴨都幾大隻，以為佢係煙燻過會好乾，但又唔會喎，食落仲有唔少肉汁，做到皮脆肉嫩的效果，佢食落雖然鹹鹹地，但都唔會蓋過有種淡淡的茶味，唔錯。💋鹵肉飯，之前2碟小菜都偏鹹，都要用白飯黎中和一下味蕾，我地咁岩見到加$5就有鹵肉飯，當然唔會執輸啦，即叫！佢D鹵肉份量唔少，完完全全地蓋過晒D飯，D肉食落都肥瘦均勻，配埋D鹵水汁，基本上唔使食其他，味道都好足夠。💋朱古力珍珠奶茶及冷泡烏龍茶，佢杯朱古力珍珠奶茶的朱古力味好濃郁，又飲得出淡淡的奶香味，配埋QQ的珍珠口感，層次豐富，正！而佢支烏龍茶茶味香濃，解膩作用一流。