Lardos Steak House (已結業)

 家住觀塘，如果想食好西，偶然都會諗起Lardos，因為佢既牛扒同青口，都係我既至愛。平時去Lardos都係食夜晚，今日放閒日，於是就試下晏晝黎食午餐，估佢唔到，午市套餐都有牛扒餐叫，價錢更實惠，咁梗係叫番份嘆下。先黎餐湯同麵包，湯係雜菜湯，雖然唔係忌廉湯，但一d都唔輸蝕，夠味、足料；餐包亦夠香夠脆，唔錯。Lardos既牛扒一向都做得好好，面層有焦香，入面仍保持嫰滑，呢個唔駛多作介紹；我反而想講下伴碟既薯波，係用薯仔搓成蓉，然後加調味去炸，食時仲有少少薯仔粒，好有口感，好好味，睇得出廚師花過心思去做。Lar青口亦係我響Lardos既飛佛，所以今次都加錢另叫，平時會叫cream sauce，個汁香滑帶酒味，最鍾意用黎點麵包食，正到可以加麵包瘋食；不過今次阿妹唔like忌廉，就叫左清酒味，感覺上個汁較普通，不過青口一樣好嫰，一口一隻，無渣，都好味！順帶一提，呢度既服務都唔錯。話說我個三歲姨甥食食下飯扭計發老脾，喊到拆天，侍應立即送杯fruit punch俾佢，一飲立即止喊，果然好計。