牛摩+ (新都城中心二期) (已結業)

突然好想打邊爐，所以就揀左呢間牛摩食。呢間牛摩+裝修左，環境比以前靚左、衛生左。今次我地揀左美國精選牛肉放題，因為係7點前入座，所以$139/位。入店前個職員已經問我地揀咩湯底，我先發現湯底選擇多左好多! 最後我地揀左蟲草花白雞湯+豚骨湯底。自選配菜款式唔算多，但有齊哂基本打邊爐會有的丸類，而且仲有好多款唔同菜選擇。另外都有簡簡單單嘅甜品俾大家過下口癮。湯底﹕1.蟲草花白雞湯雞味好濃，幾夠味，食落去D肉好夾個湯底2.豚骨湯底味道比雞湯淡，不算好香濃，想食清淡D嘅人可以揀呢個湯底肉類﹕1.豚肉呢款應該係薄切豚肉，雖然肉味唔算香濃，但係幾軟嫩2.牛肉食得放題當然就係主打食牛肉啦，精選牛肉要預左係薄切，有香肉味，不過最值得一讚的係每一轉牛肉質素都好平均，唔會係平時放題個d質素參差。