GR8 (已結業)

呢間Cafe位於將軍澳海旁附近，日系簡約風格裝修加上通透大玻璃俾人一種好舒服寫意嘅感覺～ 餐牌都係以咖啡、茶、西日菜式為主～蘑菇忌廉湯湯底濃郁，食得出⽤新鮮蘑菇炒香再打碎而成，⼝感豐富，菇味好香濃好有層次～ 忌廉細滑又唔會太膩，入口creamy暖胃～甲羅燒蟹膏蟹柳意粉 $148甲羅燒有絲絲鮮甜嘅蟹肉及濃郁鹹香嘅蟹膏，再加上蛋黃撈埋更creamy 濃郁～ 配埋creamy的蟹柳意粉都幾夾，份量都幾多～ ALL DAY BREAKFAST （牛扒/鰻魚）$168呢款全日早餐好豐富，包括牛扒/鰻魚、炒蛋、沙律、煎蕃茄、蟹肉薯餅、煙肉、牛角包～ 牛扒加咗黑椒同鹽煎得好香，牛味濃郁，肉質結實又唔會老～ 鰻魚成隻手掌咁長，燒得幾香，冇咩細骨，肉質細嫩～ 炒蛋炒得幾滑，蛋味香濃～ 沙律菜新鮮翠綠～ 蟹肉薯餅外面炸得好香脆，裏面夠晒熱好軟熟～WILD HAND PICK PEACHY BLACK TEA $55黑茶中間有啲密桃香味，味道清新～ Matcha Milk $38拉花賣相好吸引，抹茶甘香，與奶味平衡不錯，甜度適中～