Seoulmate (MONTEREY Place)

營業中

休息中

入將軍澳搵朋友食飯，揀左呢間韓國餐廳。呢間餐廳係可以帶埋狗仔黎，仲見到店員拎d零食請d狗仔食😝😝😝又有野食又有狗仔望。叫左一杯芒果奶昔奶蓋雪山一杯士多啤梨奶昔奶蓋雪山，兩杯都好好味🤤個奶蓋好濃好正，奶昔味道都唔會太甜👍👍推薦！炸雞可以揀三隻味，我地揀左松露蛋黄醬、甜辣同埋蒜香蜜糖芥末。其實都係炸雞另外再加d醬上去，松露蛋黃醬同蒜香蜜糖芥末都唔錯，甜辣就覺得怪怪地，唔太推薦大家揀。個雞熱辣辣同埋d肉都好嫩滑👍呢個煙霧瀰漫烏卒卒火山章魚蟹肉明太子炒飯賣相相當QQ，好岩打卡🤣🤣味道方面就普普通通，個飯都幾多章魚粒，同埋有少少辣辣地，仲有好多紫菜。出面個層泡泡好似係有d紫菜味咁，不過試一次就夠了🙂最後仲叫左榛子,忌廉配焦糖香蕉麻糬窩芙，呢個麻麻地，個窩夫加左麻糬好痴牙，個口感怪怪地，同埋個窩夫冇乜蛋漿味。