明谷

營業中

休息中

明谷初初開張嘅時候成＄100一碗麵，所以冇幾多食客幫襯，可能因為鋪租太貴，始終要向現實低頭，於是轉左幾次餐牌，將價錢不斷拉低，去到今日只係賣緊＄48 -＄62一碗麵，飲品只係加＄7，高檔變咗平民化。今日嚟到，食客唔多，所以好靜，好寬敞，餐廳裝修普普通通，但都算坐得舒服。食物方面都算有質素，不過份量係少得淒涼，河粉份量好少，餸又少，予人有點將貨就價的感覺！價錢雖然平，但其實有啲反感，係咪真係要做到咁呢？ 至於男仔食一定唔夠飽，飲品方面雖然只係加＄7，但都唔算行貨，賣相OK。