Burger's Friend Forever (MONTEREY Place) (已結業)

將軍澳海濱開左咁多新餐廳，呢間burger我都bookmark左好耐架喇！店舖細小但坐得舒服，完全唔迫🥰必食店舖推介嘅至尊漢堡！入面有蛋，煙肉，番茄，芝士等配料，仲有兩大塊厚切牛肉，非常足料！食物一到，見到兩塊牛肉嘅汁慢慢滲出黎，睇到都流哂口水🤤 個包超大個，兩隻手都拎唔哂！第一啖咬落去就食到牛肉同蛋嘅汁，之後煙肉嘅味道就會慢慢出黎🥓 炒熟左嘅洋蔥都非常入味！仲有芝士溶左落牛肉度，真係好邪惡😈 漁夫之寶都好唔錯！見到個名幾得意就俾佢吸引左🐟 魚柳厚身大塊！魚肉炸得好香，外脆內軟，新鮮嫩滑😚 burger醬都好多😂 另外值得讚嘅就係薯條！我地加左個combo有薯條同飲品！薯條大大條，上面撒左調味粉所以好好味！不過成個set真係好大份，叫一份半兩個人share都已經好飽🙆🏻‍♀️